Լուրեր
ՄՌ-մամոգրաֆիայի նոր մեթոդի ներդրումը «Իզմիրլյան» ԲԿ ճառագայթային բաժանմունքում. izmirlianmedicalcenter.com
Կրծքագեղձի ՄՌՏ-ն գլխավորում է կրծքագեղձի ոչ ինվազիվ հետազոտությունների շարքը, որպես առավել տեղեկատվական մեթոդ, քան ուլտրաձայնային հետազոտությունն է, կամ` ռենտգեն-մամոգրաֆիան:
Հետևելով մագնիսա-ռեզոնանսային տոմոգրաֆիայի (ՄՌՏ) ոլորտի միջազգային նորարարություններին, «Իզմիրլյան» ԲԿ ճառագայթային ախտորոշման բաժանմունքը ներդրել է նոր ռեժիմ, որը հնարավորություն է տալիս նշանակալի կրճատել (40 րոպեից` 15 րոպե) կրծքագեղձի հետազոտման տևողությունը՝ չնվազեցնելով տեղեկատվությունը և սահմանելով մրցունակ գին հետազոտության համար:
ՄՌ-մամոգրաֆիայի առավելությունները
Կրծքագեղձի ՄՌՏ-ն անփոխարինելի է փոքր չափի գոյացությունների հայտնաբերման պարագայում, հատկապես, երբ խոսքը դիֆուզ փոփոխված հյուսվածքի ֆոնի վրա փոքր չափի (հատկապես in-situ) գոյացությունների մասին է:
Շատ կարևոր և սկզբունքային հարց է նաև բարորակ և չարորակ գոյացությունների հստակ տարանջատումը ոչ ինվազիվ մեթոդի կիրառմամբ:
Ին՞չ է իրենից ներկայացնում ՄՌ-մամոգրաֆիան:
ՄՌ-մամոգրաֆիան կրծքագեղձի և հարակից հյուսվածքների հետազոտությունն է ՄՌՏ-ի միջոցով: ՄՌՏ-ն աշխատում է մագնիսական դաշտի շնորհիվ և չունի որևէ իոնացնող ազդեցություն օրգանիզմի վրա: Կրծքագեղձի ՄՌՏ-ն հիմնականում կատարվում է կոնտրաստ նյութի ներարկմամբ, որի շնորհիվ հնարավոր է հստակ տարբերակել բարորակ և չարորակ գոյացությունները:
Ինչպիսի՞ն է ՄՌ-մամոգրաֆիային նախապատրաստումը:
Առանձնահատուկ նախապատրաստում հարկավոր չէ:
Ո՞ր դեպքերում է հատկապես ցուցված ՄՌ-մամոգրաֆիան:
ՄՌ-մամոգրաֆիան խորհուրդ է տրվում հատկապես այն կանանց, ովքեր ընդգրկված են բարձր ռիսկայնության խմբի մեջ:
Այս խմբի մեջ են ընդգրկվում կանայք, որոնց մոտ հայտնաբերվել են.
- BRCA 1 եւ BRCA 2 գեները,
- մոտ հարազատների մոտ հայտնաբերվել է BRCA 1 և BRCA 2 գեները,
- մոտ հարազատների մոտ ախտորոշվել է կրծքագեղձի քաղցկեղ,
- կանայք, ովքեր ունեն այլ օրգան համակարգերի ուռուցքային հիվանդություններ եւ հատկապես նրանք, ովքեր ստացել են ճառագայթային բուժում վերոհիշյալ պաթոլոգիաների դեմ,
- կրծքագեղձերի իմպլանտների խնդիրներ:
Հարաբերական ռիսկի խմբի մեջ են ընդգրկված կանայք, ովքեր․
- տառապում են ճարպակալմամբ, հատկապես եվրոպոիդ ռասսայի ներկայացուցիչները,
- ծխում են,
- բնակվում են խոշոր արդյունաբերական քաղաքներում,
- մենոպաուզայի տարիքում են,
- ընդունում են հորմոնալ հակաբեղմնավորիչներ:
Անուշ Մարալյան,
«Իզմիրլյան» ԲԿ ճառագայթային և ախտորոշման բաժանմունքի ռադիոլոգ
Կարդացեք նաև
«Որակն առողջության գրավականն է» խորագրով միջոցառումն առիթ էր գնահատելու բուժքույրերի, մանկաբարձների, դեղագետների, ինչպես նաև երկար տարիներ...
Ապրիլի 16-ին Մոր և մանկան առողջության պահպանման գիտահետազոտական կենտրոնում տեղի ունեցավ «Շարակցական հյուսվածքի համակարգային հիվանդություններ...
Նկարում Սերինեն է, ծնվելուց հետո 90 օր գտնվել է Էրեբունի ծննդատան նորածնային բաժանմունքում: Նա ծնվել է հղիության 25-րդ շաբաթում...
«Էրեբունին» հանրապետությունում որպես խոշոր, բազմապրոֆիլ և առաջատար բժշկական կենտրոն մշտապես արդիականացվում է, վերազինվում գերժամանակակից սարքավորումներով...
«Էրեբունի» բժշկական կենտրոնի վերակենդանացման բաժանմունք էր ընդունվել ծայրահեղ ծանր վիճակում, կրիտիկական ցուցանիշներով՝ գրեթե անգիտակից, բարձր ջերմությամբ...
Ուրախ ենք տեղեկացնել, որ «Նաիրի» ԲԿ-ի նյարդաբանության և նյարդավիրաբուժության բաժանմունքի ղեկավար Արման Պարգևի Հակոբյանը` որպես խոսնակ...
Օրերս Մոր և մանկան առողջության պահպանման գիտահետազոտական կենտրոնում մեկնարկել է վերապատրաստման ծրագիր՝ միջին բուժաշխատողների համար...
Մարտի 14-ին Մոր և մանկան առողջության պահպանման գիտահետազոտական կենտրոնում դասախոսությամբ հանդես եկավ...
Հերթական անգամ վերապատրաստման նպատակով Նեյրոանգիոգրաֆիայի տարածաշրջանային կրթական կենտրոնում են արտասահմանցի բժիշկները...
Օրեր առաջ ՄՄԱՊԳՀԿ է դիմել 30 տարեկան կին՝ գանգատվելով 1,5-2 ամիս չդադարող արյունային արտադրությունից սեռական ուղիներից...
Warning: mysqli::query(): (HY000/1): Can't create/write to file '/var/tmp/MY3vZ5xs' (Errcode: 28 - No space left on device) in /sites/med-practic.com/classes/DatabaseManager_2.1.php on line 1381
Fatal error: Uncaught Error: Call to a member function fetch_assoc() on bool in /sites/med-practic.com/classes/DatabaseManager_2.1.php:1384 Stack trace: #0 /sites/med-practic.com/classes/article_class.php(102): TableManager->querySelectClassic('SELECT a.id, a....', Array) #1 /sites/med-practic.com/includes/include_footer_amen_kard_hod.php(5): Article->SelectAmenakardacvatsArticles(1) #2 /sites/med-practic.com/includes/include_bottom.php(9): require_once('/sites/med-prac...') #3 /sites/med-practic.com/bottom.php(7): require_once('/sites/med-prac...') #4 /sites/med-practic.com/article_more.php(151): require_once('/sites/med-prac...') #5 {main} thrown in /sites/med-practic.com/classes/DatabaseManager_2.1.php on line 1384